Hektor Beqiri | Njeriu që dridhi Hagën dhe Evropën me protestën e madhe para dy vjetësh, duke bërë bashkë diasporën shqiptare
Njeriu kryesor që u angazhua fuqishëm që para dy vjetësh Evropa të merr vesh për fillimin e një padrejtësie të madhe ndaj krerëve të UÇK-së, ka kujtuar sot atë ditë të lavdishme në Hagë.
Hektor Beqiri, i cili angazhimin për çlirimtarët e vazhdon pandërprerë edhe sot, arriti që diasporën shqiptare ta bëjë bashkë më 3 prill të vitit 2023 dhe të protestojnë në Hagë kundër padrejtësive që po iu bëhen Hashim Thaçit, Rexhep Selimit, Kadri Veselit, Jakup Krasniqit dhe të tjerëve.
“Ishim pak kur e nisëm, por u bëmë mijëra kur e bitisëm. Dy vite më parë, më 3 prill 2023, diaspora shqiptare prej anekënd Evropës dhe më gjerë protestoi në Hagë kundër padrejtësive që po u bëhen ish-krerëve të UÇK-së”, ka shkruar sot Beqiri.
E vërteta e luftës së UÇK-së, shkruan ai, nuk lejojmë të deformohet dhe me të vërtetën e popullit tonë do ta fitojmë këtë betejë në Hagë!
Sot dy vjet më parë në Hagë ka nisur procesi gjyqësor kundër krerëve të UÇK-së, i cili sivjet duket se do të merr fund pas plot pesë vjetësh padrejtësi.
