Ky dyshohet të jetë personi që vrau rreshterin në Kaçanik (VIDEO)
Mbrëmjen e 1 prillit, në hyrje të banesës së tij në Kaçanik, u vra rreshteri i policisë, Muhamed Lika.
Në emisionin “Kosova Today”, eksperti i sigurisë Bedri Elezi, thotë se personi që dyshohet që vrau policin Lika, është 17-vjeçari L.Berisha.
Megjithëse, Elezaj thotë se këto informacione ende nuk janë konfirmuar nga organet kompetente, transmeton Klankosova.tv.
“Muhamed Lika ishte shef ndërrimi dhe zakonisht në ora 23:00 mbyllet orari i ndërrimit. I njëjti ishte nisur për në shtëpi pasi e kishte mbyllur ndërrimin e tij. Shtëpia e tij është afër 200 metra larg stacionit, apo pak më larg, dhe i njëjti, dyshohet se deri ka shkuar në shtëpinë e tij ka hasur në një person i cili ka pasur armë me vete, dhe i njëjti duke tentuar ta ndalojë, që dyshohet që ka të bëjë me një plaçkitje të armatosur. Bëhet fjalë për një person të moshës 17-vjeçare që besohet se është nga Kaçaniku, dyshohet se është L.Berisha. Nuk e di nëse është arrestuar apo akoma, këto janë informacione të pakonfirmuara nga organet kompetente”, tha Elezaj.
Muhamed Kika do varroset sot pas orës 17:00 në “varrezat e dëshmorëve”. I njëjti ishte edhe luftëtar i Ushtrisë Çlirimtare të Kosovës.
