Halil Kastrati, humanisti i madh: Nesër vihet gurthemeli i megaprojektit të shoqatës!

Në shënim të Ditës Ndërkombëtare të Autizmit, nesër më 2 prill, në ora 11:00, në Graçanicë, do të vendoset gurthemeli i Qendrës për Rehabilitim dhe Arsimim, një nga projektet më të mëdha të shoqatës së Halil Kastratit.

Ky kompleks rezidencial prej 13.5 hektarësh do të shërbejë si strehë dhe qendër rehabilitimi për fëmijët dhe të rriturit me autizëm, sindromën Down dhe aftësi të kufizuara, duke ofruar kujdes të specializuar, arsimim dhe terapi, transmeton portali DrenicaOnline.

Kjo vepër e madhe humanitare synon të ndryshojë jetën e shumë familjeve!

Të gjithë të interesuarit janë të ftuar të marrin pjesë në këtë ngjarje të rëndësishme.

“Zoti kurrë mos ju humbtë të gjithëve që po kontribuoni në këtë vepër të madhe!” – thuhet në njoftimin e shoqatës./DrenicaOnline/