Lladrovci shtron iftar për Bashkësinë Islame të Drenasit
Kryetari i Komunës së Drenasit, Ramiz Lladrovci së bashku me nëkryetarin Arben Shala dhe drejtor të Drejtorive komunale, kanë nderuar Bashkësinë Islame në Drenas, duke shtruar Iftar.
Të pranishëm në iftar ishin, kryetari i Këshillit të Bashkësisë Islame ne Drenas, Valon Bequku së bashku me kryesinë dhe imam të xhamive.
Me këtë rast, kryetari Lladrovci ka përgëzuar Këshillin e Bashkësisë Islame në Drenas për tolerancën fetare që po vazhdojnë të tregojnë dhe humanitetin e tyre. Lladrovci tha se besimtarët myslimanë gjatë muajit të Ramazanit, dëshmojnë përulje dhe përkushtim ndaj Zotit, por edhe e forcojnë disiplinën personale si rezistencë në shumë gjëra.
Ndërsa, kryetari i KBI, Valon Bequku, ka falënderuar kryetarin Lladrovci që po e respekton Këshillin e Bashkësisë Islame dhe është zotuar se bashkëpunimi mes Këshillit të Bashkësisë Islame dhe Komunës do të vazhdoj.
Kryetari Lladrovci së bashku me Kryetarin e BIK-ut, janë dakorduar që të gjejnë një zgjidhje sa me të shpejtë lidhur me objektin e Këshillit të Bashkësisë Islame në Drenas.
