Aksident i rëndë në autostradën “Ibrahim Rugova”, përfshihen një kamion dhe një veturë
Një aksident i rëndë trafiku ka ndodhur pasditen e sotme në autostradën “Ibrahim Rugova”, në afërsi të fshatit Duhel. Në aksident janë përfshirë një kamion dhe një veturë, ndërsa ende nuk dihet gjendja e të lënduarve.
Lexuesit e DrenicaOnline kanë dërguar pamje nga vendi i ngjarjes, ku shihet prania e Policisë së Kosovës, e cila ka dalë menjëherë për të menaxhuar situatën dhe për të hetuar shkaqet e aksidentit.
Mbetet të shihet nëse ka persona të lënduar dhe çfarë masash do të merren nga autoritetet. DrenicaOnline do t’ju mbajë të informuar për çdo zhvillim të ri.
