Valon Grabovci: Mësimdhënësit do të trajtohen me dinjitet në qeverisjen e PDK-së

Kandidati për deputet nga Partia Demokratike e Kosovës (PDK), Valon Grabovci, së bashku me kryetarin e degës në Klinë, Sokol Bashota, kandidatin Fadil Millaku dhe Fatime Shala, ka zhvilluar një takim me mësimdhënësit e kësaj komune.

Gjatë takimit, ai prezantoi programin e PDK-së, duke theksuar se trajtimi i dinjitetshëm i mësuesve, arsimtarëve dhe profesorëve do të jetë një prioritet i qeverisë së ardhshme të udhëhequr nga Bedri Hamza.

“Arsimi është themeli i një shoqërie të zhvilluar. Në qeverisjen tonë, mësimdhënësit do të kenë respektin dhe përkrahjen e merituar,” tha Grabovci.

PDK ka premtuar rritje të pagave për mësimdhënësit dhe investime të mëdha në sektorin e arsimit për të siguruar cilësi më të lartë dhe kushte më të mira pune për edukatorët e brezave të ardhshëm.

#PDK131
#BedriHamza1
#ValonGrabovci55