Lajm i hidhur: Ndërron jetë profesori dhe doktori i njohur nga Drenica, Adem Nura

Skenderaji dhe Mitrovica kanë humbur një prej figurave të tyre të njohura, profesorin universitar dhe doktorin e shquar, Adem Nura.

Familja Nura nga Mitrovica dhe fshati Dashevc ka marrë lajmin e dhimbshëm për ndarjen nga jeta të familjarit të tyre, i cili gjatë karrierës së tij ka mbajtur pozita të larta drejtuese në institucione të ndryshme.

Lajmin për vdekjen e tij e ka bërë të ditur djali i të ndjerit përmes një postimi në rrjetet sociale, duke njoftuar gjithashtu se varrimi i tij do të bëhet sot në ora 16:30 në fshatin Dashevc.

Ngushëllime familjes Nura dhe të gjithë atyre që e njohën dhe e respektuan!