Koalicioni për Familjen viziton Odën Ekonomike të Kosovës: Fokus në zhvillimin ekonomik dhe mirëqenien e familjeve
Sot, Koalicioni për Familjen zhvilloi një takim të rëndësishëm me përfaqësuesit e Odës Ekonomike të Kosovës, duke theksuar rolin kyç të zhvillimit ekonomik si bazë për përmirësimin e mirëqenies së familjeve kosovare.
Gjatë takimit, u diskutua për rëndësinë e bashkëpunimit ndërmjet sektorit privat dhe politikave publike, me fokus në krijimin e vendeve të reja të punës dhe forcimin e ekonomisë kombëtare. Përfaqësuesit e koalicionit dhe Odës Ekonomike ranë dakord se një ekonomi e fuqishme është themeli për një të ardhme të qëndrueshme dhe të suksesshme.
Oda Ekonomike u cilësua si një partner strategjik në përballimin e sfidave ekonomike dhe avancimin e politikave në mbështetje të familjeve kosovare, duke synuar përmirësimin e standardit të jetesës dhe zhvillimin e qëndrueshëm të vendit.
Ky bashkëpunim shënon një hap të rëndësishëm drejt ndërtimit të një të ardhmeje më të mirë për Kosovën dhe familjet e saj!
