Lulzim Nika niset drejt Uashingtonit për inaugurimin e Presidentit Trump
Kandidati për deputet nga Partia Demokratike e Kosovës (PDK), Lulzim Nika, është nisur drejt Uashingtonit për të marrë pjesë në ceremoninë e inaugurimit të Presidentit të 47-të të Shteteve të Bashkuara të Amerikës, Donald Trump, transmeton portali DrenicaOnline.
Nga aeroporti i Frankfurtit, Nika ka shprehur mirënjohjen e tij për ftesën në këtë ngjarje madhështore, duke theksuar rëndësinë e miqësisë së fortë mes Kosovës dhe Shteteve të Bashkuara.
“Jam i nderuar për ftesën në këtë event madhështor për demokracinë! Miqësia SHBA-Kosovë është e palëkundur! Zoti e bekoftë Amerikën! Zoti e bekoftë Kosovën!” ka deklaruar ai.
Pjesëmarrja në këtë ceremoni simbolizon lidhjet e ngushta të Kosovës me SHBA-në dhe përkushtimin ndaj vlerave demokratike.