Shahin Dervishaj i PDK-së: Rinia është thesari i Kosovës

Kandidati për deputet nga Partia Demokratike e Kosovës (PDK), Shahin Dervishaj, ka shprehur emocionet e tij pas një takimi me të rinjtë, ku janë diskutuar ide dhe vizione për të ardhmen, transmeton portali DrenicaOnline.

“Nuk di si ta përkthej në fjalë emocionin që kam sot, përballë këtyre të rinjve të mrekullueshëm. Jemi duke diskutuar aq shumë ide, mendime dhe vizione për një të ardhme më të mirë, dhe jam i befasuar nga vullneti dhe entuziazmi i tyre”, ka shkruar Dervishaj.

Ai e ka cilësuar rininë si “thesarin e Kosovës” dhe ka theksuar se vendi ka një potencial të madh për të ofruar botës.

Takimet me të rinjtë dhe diskutimet mbi të ardhmen po vazhdojnë, ndërsa Dervishaj ka premtuar angazhim të plotë për fuqizimin e tyre.