Ferat Shala viziton Istref Krasniqin, ish-ushtar i UÇK-së tani ndërmarrës i suksesshëm (Video)
Deputeti i PDK-së, Ferat Shala, ka realizuar një vizitë tek Istref Krasniqi, një ushtar i UÇK-së nga Negroc, i njohur për kontributin e tij në luftën për liri.
Sot, Istrefi është një ndërmarrës i suksesshëm, i cili drejton një biznes të paletave, duke u bërë një shembull i punës së palodhur dhe dinjitoze.
Ai ka arritur të mbajë familjen e tij me djersën e tij, duke u shndërruar në një model frymëzues për komunitetin.
Shala e ka lavdëruar Istrefin për angazhimin e tij dhe theksoi rëndësinë që shteti duhet të ofrojë mbështetje për bizneset e vogla dhe të mesme.
Ai gjithashtu shprehu angazhimin e tij si deputet i Kuvendit, duke u bërë gjithmonë mbështetje për këto biznese, të cilat janë shtylla e zhvillimit ekonomik.
Në fund, Shala përmendi dhe angazhimin e Bedri Hamzës, i cili, si kryeministër i ardhshëm, ka përfshirë mbështetje për këto biznese në programin e tij.
#MaMirë
