Altin Krasniqi nderon jetën dhe veprën e Gjeneral Shaban Shalës

Kandidati për deputet nga PDK, Altin Krasniqi, ka bërë homazhe dhe ka shprehur mirënjohje për jetën dhe kontributin e Gjeneral Shaban Shalës, transmeton portali DrenicaOnline.

Në një status në Facebook, Krasniqi theksoi se Gjeneral Shala e vuri gjithë jetën e tij në shërbim të atdheut dhe qytetarëve, duke u shquar për trimërinë dhe përkushtimin e tij në çdo rrethanë dhe sfidë.

“Ai kulmoi angazhimin e tij në luftën e lavdishme të Ushtrisë Çlirimtare të Kosovës, ndërsa pas çlirimit dha një kontribut të jashtëzakonshëm në krijimin e Ushtrisë së Kosovës dhe në procesin e shtetndërtimit”, tha Krasniqi.

Ai e cilësoi Gjeneralin si një simbol të heroizmit dhe përkushtimit ndaj lirisë dhe drejtësisë, duke përfunduar mesazhin e tij me fjalët: “Lavdi e përjetshme!”./DrenicaOnline/