Moti për sot: Reshje bore në të gjithë Kosovën, temperaturat arrijnë deri në -10°C
Ditën e sotme parashikohet të mbajë mot i ftohtë e me reshje bore në të gjithë territorin e Kosovës, derisa do të ketë edhe intervale me diell.
Reshjet e borës pritet të jenë më të dendura në vendet e Rrafshit të Dukagjinit, raporton Meteo Kosova.
Bëhet e ditur se era do të fryjë në drejtime të ndryshme, por më dominuese do të jetë nga drejtimi i veriut, e cila kohë pas kohe pritet të jetë e fuqishme, sidomos gjatë orëve të para të së shtunës.
Ndërkaq, temperaturat do të pësojnë ulje të theksueshme, me minimale që do të lëvizin prej -5 deri në -1°C, ndërsa maksimalet prej -1 deri në 2°C.
Në mbrëmje pritet depërtim më i lehtë i ajrit të ftohtë, duke çuar në ulje të mëtejshme të temperaturave, sidomos gjatë natës, deri në -10°C.
