Elizabeta Sylaj: Altin Krasniqi, biri i Kosovës, i gatshëm për t’i shërbyer vendit
Elizabeta Sylaj, bashkëshortja e Altin Krasniqit, ka ndarë një mesazh emocionues duke theksuar përkushtimin dhe vlerat e Altinit në rrugën drejt përfaqësimit të qytetarëve në Kuvendin e Kosovës.
Në mesazhin e saj, Elizabeta e përshkruan Altinin si një person të ndershëm dhe vizionar, të gatshëm për të sjellë ndryshime pozitive për vendin. Ajo vlerëson përvojën e tij të gjatë në fushën noteriale, ku ka ndihmuar qytetarët me çështje ligjore dhe administrative, duke fituar aftësi të shkëlqyera menaxheriale dhe një ndjeshmëri të thellë për nevojat e njerëzve.
“Altini ka kombinuar punën dhe studimet që nga mosha 18 vjeçare, duke treguar një përkushtim dhe disiplinë të jashtëzakonshme. Ai është i udhëhequr nga ndershmëria dhe respekti për të tjerët,” ka thënë Sylaj.
Si një mjeke profesioniste, Elizabeta thekson rëndësinë e angazhimit për të mirën publike dhe tregon se kjo është ajo që motivon Altinin në çdo hap të tij. “Altini është biri yt, Kosovë. Ai do të punojë me zemër për një të ardhme më të mirë për fëmijët tanë dhe për çdo qytetar të Republikës së Kosovës,” shton ajo.
Altin Krasniqi, me energjinë dhe vizionin e tij, synon të jetë një përfaqësues i denjë për qytetarët e Kosovës. Numri i tij është **20**.
