Ferat Shala: Jakup Krasniqi është hero i gjallë i Kosovës
Pak orë para ndërrimit të viteve, kandidati për deputet nga PDK, Ferat Shala, vizitoi familjen e Jakup Krasniqit, ku u prit nga Altin Krasniqi.
Në këtë vizitë, Shala theksoi sakrificat e jashtëzakonshme të Jakup Krasniqit, i cili gjatë gjithë jetës ka qenë i angazhuar për lirinë dhe të ardhmen e Kosovës.
“Jakup Krasniqi nuk ishte aty me prindërit sepse ishte i burgosur politik, nuk ishte aty me bashkëshorten dhe fëmijët sepse ishte luftëtar i Ushtrisë Çlirimtare të Kosovës, dhe sot nuk është aty me nipërit sepse është në betejën e mbrojtjes së luftës së drejtë të popullit tonë”, tha Shala.
Ai e përmbylli mesazhin duke e quajtur Jakup Krasniqin një hero të gjallë të Kosovës dhe një inspirim për brezat e rinj.
