Kurtit i ipet edhe një afat i fundit nga Prokuroria për tu intervistuar
Kryeministri i Kosovës, Albin Kurti, nuk është paraqitur gjatë ditës së sotme në Prokurorinë Speciale, me gjithë ftesën që i ishte bërë javën e kaluar për të dëshmuar sot në orën 9:30 lidhur me rastin e rezervave shtetërore.
Kurti nuk është paraqitur me arsyetimin se ndodhet jashtë vendit.
Burimet e Indeksonline kanë mësuar se Kurtit i është dhënë edhe një afat i fundit për të dëshmuar ne Prokurorinë Speciale.
Të njëjtat burime bëjnë të ditur se afati i fundit është në fund të kësaj jave.
