Egzon Kelmendi: Peja u dridh nga fuqia dhe energjia e të rinjve
Kandidati për deputet nga AAK, Egzon Kelmendi, ka mbajtur një tubim entuziast në Pejë, ku u bashkuan të rinj pejanë dhe strukturat e Aleancës për Ardhmërinë e Kosovës, transmeton portali DrenicaOnline.
“Sonte Peja u dridh nga fuqia dhe energjia e të rinjve plot pasion, guxim dhe ide të jashtëzakonshme që frymëzojnë për të ndërtuar një të ardhme më të mirë”, ka shkruar Kelmendi, duke falënderuar qytetin që e cilëson si zemrën dhe inspirimin e tij të përhershëm.
Nga ana tjetër, Daut Haradinaj theksoi mbështetjen e madhe të të rinjve pejanë për Kelmendin, duke e quajtur atë përfaqësues të denjë të qytetit dhe vizioneve të tij.
Kelmendi garantoi se do të përfaqësojë me përkushtim ëndrrat dhe sfidat e qytetarëve të Pejës, një qytet që vazhdon të jetë djepi i ndryshimit dhe vizioneve të mëdha./DrenicaOnline/
