Mërgim Lushtaku: PDK gjen pritje të jashtëzakonshme në mërgatë
Deputeti i PDK-së, Mërgim Lushtaku, ka shprehur mirënjohjen e tij për pritjen e ngrohtë dhe përkrahjen e jashtëzakonshme gjatë tubimeve mobilizuese të partisë në mesin e mërgatës shqiptare, transmeton DrenicaOnline.
Në një postim të fundit në Facebook, Lushtaku ka përmendur me emër mbështetësit që kanë treguar përkushtim të veçantë ndaj kauzës së PDK-së, përfshirë: Ilir Dani, Mentor Kryeziu, Bekim Prenku, Naim Mehmeti, Votim Latifi, si dhe Familjet Delijaj, Koçi dhe Shaqiri bashkë me miqtë e tyre.
“Ju falënderojmë nga zemra për mikpritjen, besimin dhe përkushtimin tuaj. Bashkë, çdo hap bëhet më i lehtë dhe çdo sfidë më e kapërcyeshme!”, ka shkruar Lushtaku.
Tubimet e PDK-së në mërgatë vazhdojnë të tregojnë forcën dhe unitetin e partisë, ndërsa mobilizimi i mërgatës mbetet një pjesë kyçe e strategjisë për zgjedhjet e ardhshme që do të mbahen me 9 shkurt 2025.
#Faleminderit #PDKnëMërgatë
