Policia e ndalon ‘bossin’ 11-vjeç duke vozitur ‘Lamborghini’ pa tabela

Të enjten pasdite, gjatë patrullimit në fshatin Zhur të Prizrenit, policia ka hasur në një automjet pa targa.

Ngasësi i automjetit ishte një i mitur 11-vjeçar, ndërsa më atë si pasagjer ishte prindi i tij.

“Automjetin të cilin drejtonte i mituri ishte i modelit ‘Lamborghini’ pa tabela të regjistrimit, poseduesi i mjetit nuk ka arritur të prezantoj fizikisht asnjë dokument mbi pronësinë e mjetit. Nga policët në detyrë, prindit të ngasësit i është shqiptuar një gjobë -vendim për kundërvajtje dhe automjeti është konfiskuar”, thuhet në njoftimin e policisë.

Policia e Kosovës mbetet e përkushtuar për të ofruar sigurt si dhe për të mbajtur rend dhe qetësi si dhe rregull në komunikacion.