“Oh jeta jem bre, sot zemra ime vdiq” – Emocionon me fjalët motra e njërit nga djemtë e vrarë në Klinë
Një ngjarje tragjike tronditi të mërkurën qytetin e Klinës. Dy persona mbetën të vrarë në një lokal në sheshin “Mujë Krasniqi”.
Fillimisht Policia e konfirmoi vetëm një person të vrarë, derisa më vonë u konfirmua edhe viktima e dytë. Dorasi është arrestuar.
Siç u raportua mbrëmë viktimat janë kushërinj mes vete. Viktimat e këtij rasti janë dy të rinjtë, Rexhep dhe Albison Shlivova po nga fshati Jashanicë.
E ketë rast të hidhur, rëndë e ka përjetuar motra e njërit nga djemtë e vrarë në Klinë, ku me dhimbje të madhe nxjerr fjalët për vëllain e saj.
“Oh jeta jem bre, sot zemra ime vdiq së bashku me nanën o vllavi jem smuj e përballoj vdekjen tane, ti gjithmonë ki me kanë në zemrën teme i gjallë”, këto janë fjalët emocionuese të motrës së ndjerit.
