Konflikti me armë në Klinë, dyshime për dy të vrarë
Si pasojë e konfliktit me armë zjarri në Klinë, dyshohet për dy të vrarë.
Rreth orës 17:15 policia është njoftuar për të shtëna me armë zjarri në sheshin “Mujë Krasniqi” në një lokal, me ç’rast u konfirmua vdekja e një personi.
Lidhur me rastin Express ka kontaktuar me Shkodran Nikçin, zëdhënës në Prokurorinë Themelore të Pejës, i cili tha se dy prokurorë të shtetit janë drejt vendit të ngjarjes.
“Dy prokurorë të shtetit nga Krimet e Rënda janë drejt vendit të ngjarjes”, tha Nikçi për Express.
