Arrestohet Valdrin Salihu, 33 vjeçari i dyshuar për vrasjen në Mitrovicë
Mbrëmë rreth mesnatës është arrestuar i kërkuari nga Policia, si i dyshuar për vrasjen e para dy ditëve në Mitrovicë.
Dëshmitarët i kanë thënë “Jepi zë” se 33 vjeçari Valdrin Salihu u kap në fshatin e tij.
Policia ende nuk ka dhënë ndonjë konfirmim për arrestimin.
Valdrin Salihu u shpall publikisht dje në kërkim nga Policia, si i dyshuar për vrasjen e Florim Zeqirit në qendër të Mitrovicës.
I ndjeri Florim Zeqiri u godit me dy plumba pas shpinës pak metra larg banesës ku po jetonte.
Krimi u krye në një zonë me frekuentim të madh dhe ne shumë lokale përreth. 4 plumba përfunduan në lokalin e një furre buke.
