Vëllai i Liridonës ka një thirrje me rëndësi për të gjithë ata që kanë informata për vrasjen e motrës së tij

Leonard Ademaj, vëllai i Lirdonës së ndjerë, ka thënë se gjatë ditëve të fundit familja e tij është kontaktuar nga shumë njerëz, të cilët sipas tij “kanë ofruar të ndajnë informacione rreth vrasjes” së motrës së tij.

Ai thotë se kushdo që ka informata t’i ndajë ato me policinë dhe prokurorinë.

“Ju lusim që të gjitha informacionet që i posedoni t’i ndani me policinë dhe prokurorinë dhe jo me neve. Hetimet ua kemi besu atyre dhe presim drejtësi profesionale dhe të shpejtë nga ana e gjykatës”.

“Interesi i familjes sonë dhe interesi i përgjithshëm është që hetimet të mos dëmtohen nga askush”, ka shkruar Ademaj në profilin e tij në Facebook.