Team Albania me seli në Drenas dhuron karrige stamatologjike me mjete përcjellëse për AMF në Tërstenik
Organizata Humanitare, Team Albania me seli në Drenas, të përfaqësuar nga Xhemail Bytyqi, kanë ofruar donacion një karrige stomatologjike me mjete përcjellëse për përkujdesje të shëndetit oral-stomatologjik për Ambulanten e Mjekësisë Familjare në Tërstenik.
Donacioni i ofruar nga Team Albania është pranuar nga Drejtoresha e Drejtorisë për Shëndetësisë dhe Mirëqenies Sociale, Lumnije Krapi e cila edhe ka falënderuar koordinatorin e Team Albania, Xhemail Bytyqi për donacionin e ofruar i cili do të ndihmojë shërbimin e stomatologjisë në Tërstenik. “Jemi mirënjohës e falënderues nga Team Albania, që shumë herë ka ndihmuar me mjete mjekësore, shërbimet shëndetësore në Drenas.
Para se të arrij donacioni, Kryetari i komunës së Drenasit, Ramiz Lladrovci dhe koordinatori i Team Albania, Xhemail Bytyqi, kanë nënshkruar memorandum bashkëpunimi për ofrimin e donacionit të karriges stomatologjike me mjete përcjellëse për përkujdesje të shëndetit oral-stomatologjik. Kjo pajisje do të jetë në shërbim të qytetarëve që nga kjo javë.
