Lladrovci: Ky vit shkollor pres të jetë edhe më i mirë se viti paraprak
Kryetari i komunës së Drenasit, Ramiz Lladrovci, ka vizituar tri shkolla, me rastin e fillimit të vitit të ri shkollor, me ç’rast ka theksuar se “ky vit shkollor pres të jetë edhe më i mirë se viti paraprak për sukseset në nivel lokal e më gjerë”.
Le të jetë vit i sukseseve në këtë betejë për dije në të gjitha fushat, betejë për të sotmen dhe të ardhmen tonë më të mirë, në ditën më emocionale të vitit shkollor për nxënësit, arsimtarët dhe prindërit, ka shkruar Lladrovci.
Postimi i plotë:
Të nderuar arsimtarë, nxënës e prindër,
Me fillimin e Vitit të ri shkollor, vizitova klasën e parë në shkollën “Gani Syla”, për ta uruar mësuesen, drejtorin dhe fatosat, njëherësh të uroj të gjithë nxënësit, arsimtarët dhe prindërit e komunës tonë, me rastin e fillimit të betejës për dije, arsim dhe përparim.
Po ashtu, vizitova dy klasat e nënta në Shkollën e mesme “Fehmi Lladrovci” dhe në Gjimnazin “Gjergj Kastrioti Skënderbeu”, ku theksova se për ta po fillon një ditë, një vit dhe një jetë e re në përpjekjen për arsim dhe arritje të dijeve për jetë, për të ardhmen e tyre.
Ky vit shkollor pres të jetë edhe më i mirë se viti paraprak për sukseset në nivel lokal e më gjerë. Le të jetë vit i sukseseve në këtë betejë për dije në të gjitha fushat, betejë për të sotmen dhe të ardhmen tonë më të mirë, në ditën më emocionale të vitit shkollor për nxënësit, arsimtarët dhe prindërit.
Urime, suksese!
https://www.instagram.com/p/CwpesXSMtwh/
