E rëndë: Gjendet i vdekur një 34-vjeçar në Drenovc

Në rast mjaft i rëndë që ka ndodhur në Rahovec ku një i ri është gjetur pa shenja jete.

Sinjali mëson se bëhet fjalë për një 34-vjeçar, i cili për motive akoma të panjohura ka vdekur.

Sipas burimeve të Sinjalit nga QKMF në Rahovec, bëhet e ditur se vdekja e viktimës është konfirmuar nga ekipi i mjekëve që ka dalë në vendin e ngjarjes, ku pas ekzaminimeve për shenja vitale, mjeku ka konstatuar se viktima ka ndërruar jetë.

Sipas informacioneve të para, i ndjeri është gjetur nga familjari i tij, te vendi i quajtur “Rrezinat”.

Ndërkohë që ende nuk janë të njohura motivet e rastit, edhe Policia ka dalë në vendin e ngjarjes, ku janë kryer ekzaminimet e nevojshme.

Në vendin e ngjarjes ka arritur ekipi i IML i cili e ka marrë trupin e pajetë të viktimës dhe e ka dërguar në Institut për obduksion.