Rrëfim lufte/ Ejup Elshani me mitraloz i vendosur në Kosmaq, nga aty kishte nën kontroll krejt situatën
Shkruan: Gazmend Elshani (kameraman i luftës)
29 Mars 1999
Në mëngjes shkova ta vizitoj axhin tim Ejup Elshani, i cili kishte kohë që ishte vendosur me një mitraloz të rëndë në pikën më të lartë mbi fshatin Baicë, te vendi i quajtur Gamur, në grykën e Ramadanve.
Axha e ka hapur një istikam mu në maje të gurit, sipas tij hapja e vrimës i ka zgjatë rreth dy javë.
E pyeta pse e hape mu këtu në këtë pjesë kaq të vështirë, ai më tha -” se nga këtu e kam nën kontrollë krejt situaten para dhe është vetëm një mundësi me më goditë, nëse më qëllon me minahedhës mu në vrimë”, duke qeshur tha-“ atëherë smë mbetet merak…” Ejupi rrinte në atë pikë nga ora 4:00 e mengjesit deri pas orës 20:00 në mbrëmje.
U lëshova nga mali dhe shkova në shtëpinë e Liman Ramadanit e cila përdorej si kazermë dhe menzë ushtarake, aty takova disa ushtar të UCK-s. Pastaj vizitova pozicionet tona rreth malit Kosmaq deri në Llapushnik. Morali i ushtarëve në përgjithësi dukej mirë edhe pse lodhja vërehej te secili nga ta.
Sot ushtria serbe granatimet i filloj pasdite vonë, në drejtim të shtëpive të fshatrave rreth malit Kosmaq.
Pozicionet e UÇK-s, ishin të njëjta sikurse edhe dje. Gjatë natës NATO vazhdoj me fluturime dhe bombardime në bazat rreth Goleshit dhe Prishtinës.
