Lladrovci ngushëllon familjen Qorri me rastin e ndarjes tragjike nga jeta të Adem Qorrit, mërgimtarit në Florida të ShBA-së
Me rastin e ndarjes tragjike nga jeta të riut Adem Qorri nga Drenasi, kryetari i Komunës së Drenasit, Ramiz Lladrovci ka ngushëlluar familjen Qorri.
Më poshtë ju sjellim telegramin e ngushëllimit të kryetarit Lladrovci drejtuar familjes Qorri:
E nderuara familje e të ndjerit Adem Qorri,
Më vjen keq të dëgjoj se ju keni humbur një anëtar të dashur të familjes, Adem Qorrin, në një ngjarje tragjike në Florida të SHBA-së.
Në këto momente të vështira jemi pranë jush me ngushëllime dhe mbështetje morale.
Nuk ka fjalë të mjaftueshme për të shprehur dhimbjen që ndjeni në këtë moment të rëndë.
Sfida e tij në përmbushjen e detyrës së shpëtimit të një fëmije tregon jashtëzakonisht shumë për heroizmin dhe përkushtimin që ai kishte ndaj jetës dhe njerëzve.
Unë dhe stafi i komunës së Drenasit jemi pranë jush në këtë kohë të vështirë të ndajmë dhimbjen tuaj.
Me ngushëllime të sinqerta,
Kryetari i Komunës së Drenasit,
Ramiz Lladrovci
