Ky është drejtori i ri i Shërbimeve Publike në Drenas
Drejtor në Drejtorinë e Shërbimeve Publike dhe Emergjencë në Komunën e Drenasit sot është emëruar, Nexhmedin Gruda, transmeton DrenicaOnline.
Ai thotë se duke e pranuar këtë pozicion, do të angazhohet që të punojë me përkushtim dhe sinqeritet për të udhëhequr dhe zhvilluar më tej këtë drejtori dhe për të ofruar shërbime cilësore dhe efektive për qytetarët.
Postimi i plotë i Grudes:
Miq, unë sot jam i lumtur të ndaj me ju lajmin tim për punën time të re si Drejtor në Drejtorinë e Shërbimeve Publike dhe Emergjencë.
Për mua është një nder dhe privilegj të jem pjesë e kësaj drejtorie dhe t’i shërbej qytetarëve tanë. Duke e pranuar këtë pozicion, unë angazhohem që të punoj me përkushtim dhe sinqeritet për të udhëhequr dhe zhvilluar më tej këtë drejtori dhe për të ofruar shërbime cilësore dhe efektive për qytetarët. Unë jam i vendosur që të ndihmoj në rritjen e ndërgjegjësimit dhe koordinimit të nevojave emergjente, si dhe të shtojë vlerën e shërbimeve publike në përputhje me kërkesat e qytetarëve. Duke kërkuar mbështetjen dhe bashkëpunimin tuaj, unë besoj se së bashku mund të ndërtojmë një ambient të përshtatshëm për punë dhe të ofrojmë shërbime publike në nivele të larta të cilat ndikojnë në mirëqenien dhe sigurinë e qytetarëve. Unë ju dedikoj juve përkushtimin tim dhe premtimin tim për të bërë punën time me përkushtim dhe profesionalizëm.
Puna dhe përkushtimi im 24 vjeçar në arsim është treguesi më i mirë se bashkëpunimi dhe profesionalizmi sjellin rezultate.
Faleminderit i veçantë nga kryetari i komunës z. Lladrovci për besimin e dhënë në udhëheqjen e DShPE, po ashtu drejtoreshën Lumnije Krapi për punët e mira që i ka kryer deri më tani.
