Lladrovci: Na qan zemra e shpirti për shokun, bashëveprimtarin e bashkëluftëtarin Agron Haradinaj!
Kryetari i komunës së Drenasit, Ramiz Lladrovci, me rastin e pjesëmarrjes në varrimin e Agron Haradinajt, ka theksuar se “na qanë zemra dhe shpirti për shokun, bashkëveprimtarin e bashkëluftëtarin, Agron Smajl Haradinajn”.
Me dhimbje të madhe, sot, në prani të qytetarëve të shumtë, bashkëveprimtarëve e bashkëluftëtarëve e varrosëm shokun tonë, Agron Smajl Haradinaj, ka theksuar Lladrovci.
Postimi i plotë i Lladrovcit:
Me dhimbje të madhe, sot, në prani të qytetarëve të shumtë, bashkëveprimtarëve e bashkëluftëtarëve e varrosëm shokun tonë, Agron Smajl Haradinaj.
Sot, shokët, miqtë dhe atdhetarët, kudo janë, ndjejnë peshën e ndarjes nga ushtari shembullor i UÇK-së, nga Agroni i cili në rininë e hershme iu bashkua idealeve të babë Smajlit dhe më vonë bashkë me vëlla Nasimin e Naimin, radhëve të UÇK-së për liri.
Na qanë zemra dhe shpirti për shokun, bashkëveprimtarin e bashkëluftëtarin, Agron Smajl Haradinajn.
I paharruar është kujtimi për veteranin e UÇK-së, Agron Haradinaj!
https://www.instagram.com/p/Cpa4M1Vs5QG/?igshid=YmMyMTA2M2Y%3D
