Varrosen katër personat që vdiqën në aksidentin e mbrëmshëm në Ferizaj
Sot u varrosen katër personat që humbën jetën mbrëmjen e së mërkurës në rrugën Ferizaj – Shtime.
Arlind dhe Arsim Isufaj u varrosen në orën 16:30 në varrezat e fshatit Mollopolc të Shtimes.
Njoftimi u bë nga ana e të afërmve të viktimave.
Ndërkaq nga ora 17:00, në Dremjak të Ferizajt, u varrosen Armend Muhadini dhe Mërgim Behluli.
Në aksidentin e mbrëmshëm ishin të përfshira tri vetura.
Po ashtu, si pasojë e këtij aksidenti u lënduan edhe dy persona, në mesin e tyre edhe një grua shtatzënë.
