Shoferi që shkaktoi aksidentin fatal në Arllat ende i paidentifikuar
Mbrëmë rreth orës 18:00, në Arllat të Drenasit ka ndodhur një aksident trafiku ku një veturë ka goditur të riun Eduart Bujupi, i cili pas disa orëve trajtim në QKUK ka vdekur.
Shoferi që ka goditur viktimën ka ikur nga vendi i ngjarjes dhe ende nuk është identifikuar. Policia ka njoftuar se rasti është duke u hetuar.
“Në Arllat ka ndodhë një aksident trafiku në mes të një automjeti deri më tani të panjohur, pasi që ka ikur nga vendi i ngjarjes dhe këmbësorit, viktimës mashkull kosovar. Si pasojë e aksidentit lëndime të rënda trupore ka pësuar këmbësor i cili është dërguar në tretman mjekësorë në QKUK ku më pas ka ndërruar jetë”, thuhet në raportin e policisë.
Në lidhje me rastin është konsultuar prokurori i shtetit me urdhër të së cilit trupi i pajetë i viktimës është dërguar në IML për obduksion.
Rasti vazhdon të hetohet nga njësitet përkatëse.
