E kanosi mikun, arrestohet një person në Gllobar
Një person është arrestuar në fshatin Gllobar të Drenasit, pasi i njëjti pas një mosmarrëveshje ka kanosur mikun e tij.
Policia nëpërmjet raportit 24 orësh dërguar mediave ka bërë të ditur se kanosja ka ndodhur të martën rreth orës 16 e 30 minuta.
Për rastin është njoftuar prokurori i shtetit, me vendim të të cilit, i dyshuari është dërguar në mbajtje.
Hetimet në lidhje me rastin ende janë duke vazhduar.
