Gucati: thotë se fajtorë për ‘veteranët e rrejshëm’ është edhe politika
Kryetari i OVL-UÇK-së, Hysni Gucati ka thënë se në rastin për “veteranët e rrejshëm”, fajet i ka politika.
Sipas Gucatit për fryrjen e listave për veteranët e rrejshëm fajin nuk e kanë vetëm komandantët dhe Komisioni, por sipas tij edhe politika.
“Nuk kanë faj këtu komandantat, këtu kanë faj politika. politika është dashtë të jetë këtu sot bashkë me komandanta. Mirë që seanca ka nis sot, edhe është mire që të ndahet shapi prej sheqerit. Edhe politikanët janë pjesë e fajit”, është shprehur Gucati.
Gucati ka thënë se e ka mirëpritur këtë seancë, pasi siç tha ai, “është mirë që sot është mbajtur kjo seancë dhe është dhe është ndarë shapi prej sheqerit”.
Theksojmë se seanca për “veteranët e rrejshëm”, ka dështuar ndërsa pritet të mbahet me 14 mars.
