Gjuriq e harron poshtërimin në Prishtinë, merret pak me punët e politikanëve shqiptarë
Drejtori i Zyrës për Kosovën në Qeverinë e Serbisë, Marko Gjuriq, ka thënë se ka kohë që gjërat nuk i kanë shkuar mirë zyrtarëve kosovarë në raport me qeverinë e Serbisë.
Gjuriq në një intervistë për gazetën serbe Blic, ka vlerësuar se në Prishtinë kanë arsye të jenë nervozë dhe madje kjo është e kuptueshme.
Sipas tij, ka kaluar një kohë e gjatë që punët nuk po i shkojnë mirë elitës politike në Kosovë.
Prandaj, Gjuriq ka theksuar se kanë ndodhur disa gjëra që për vite të tëra nuk kishin ndodhur në Kosovë, duke aluduar në problemet e serbëve të Kosovës.
Gjuriq ishte arrestuar nga institucionet vendore kosovare për shkak se ai kishte hyrë ilegalisht në Kosovë duke mos i respektuar organet e drejtësisë.
