Partia që me një deputet i mban katër Ministri
Aleancës për Ardhmërinë e Kosovës shumë shpejtë edhe zyrtarisht mund të mbetet me vetëm një deputet në Kuvendin e Kosovës nga dy sa kishte deri tash. Numër ky që është shumë më i vogël në krahasim me ministrit që udhëheq kjo parti.
Islam Pacolli që është i afërm i kryetarit të AKR-së Behgjet Pacolli, pritet të mbetet deputeti i vetëm i kësaj partie pasi që deputeti dhe këngëtari Labinot Tahiri ka paralajmëruar largimin nga AKR-ja për t’iu bashkuar partisë që udhëhiqet nga Albin Kurti, shkruan Insajderi.
Vetë Tahiri ditë më parë pranoi se po mendon largimin nga AKR-ja.
“Kështu që unë kur i shoh gjërat që nuk janë duke shkuar mirë, unë ndërmarrë hapa të tjerë. P.sh në parti ka deputetë të tjerë që pyeten e jo ata që i ka Behgjeti në parlament i ka disa deputet, ai përreth që i kryejnë punët e tij, p.sh në aspektin e çdo gjëje që ka partia, ndërsa ne deputetët e tjerë neglizhohemi sepse më nuk i duhemi derisa kur na kërkonte të mos ta hedhim votën për koalicionin PAN”, kishte thënë Tahiri për blic.
Por përkundër se AKR-ja nuk po arrin t’i mbajë deputetët në parti, ky subjekt politik po arrin t’i mbajë postet e ministrave që janë shumë më shumë se deputetët që numëron AKR-ja. Menjëherë pas koalicionit me PDK-në, AAK-në dhe Nismën ishte larguar edhe Korab Sejdiu i cili tashmë bënë pjesë në grupin parlamentar të LDK-së.
Megjithatë AKR numëron katër ministra nga radhët e saj dhe postin e zv/kryeministrit në Qeverinë Haradinaj. Kryetari i partisë, Behgjet Pacolli mban postin e zv/kryeministrit dhe ministrit të jashtëm, Albena Reshitaj postin e ministres së Mjedisit dhe Planifikimit Hapësinorë, Bejtush Gashi postin e ministrit të Brendshëm dhe ministri që është duke u përballur me drejtësinë, Valdrin Lluka në ministrinë e Zhvillimit Ekonomik.
