Ka tash e një kohë që flitet mbi rivalitetin e theksuar të Dua Lipës dhe Rita Orës. Dy vajzat nga Kosova që po ngjiten drejt majave të suksesit në botë kësaj here e kanë ekspozuar rivaletin në formën më të hapur të mundshme.
Ka qenë Dua ajo që ka bërë fillimisht një postim njoftues mbi koncertin Sunny Hill.
Me anë të një statusi në Facebook ajo ka treguar se është e lumtur që SunnyHill Festival po vjen në Kosovë.
“Po ndihmojmë që Kosova të vendoset në hartën e vendeve kulturore. Unë do të jem në Kosovë disa ditë para festivalit për të ndihmuar në bamirësi dhe për të vizituar vendin tim të lindjes” ka shkruar mes tjerash Dua Lipa në Facebook.
Vetëm 45 minuta pas, ka qenë Rita që ka reaguar për të shprehur përkushtimin ndaj Kosovës me një foto me Atifete Jahjagën.
