Festohet Dita e SHFMU “Rasim Kiçina” në Drenas
Sot, Shkolla Fillore e Mesme e Ulët “Rasim Kiçina” ka shënuar Ditën së shkollës, me rastin e ditëlindjes së Heroit të Kosovës, Rasim Kiçina, që kjo shkollë me krenari mbanë emrin e tij.
Në këtë festë mori pjesë Nënkryetari i Komunës, Gani Sylaj dhe Drejtori i Arsimit me bashkëpunëtor.
Festa e Ditës së shkollës u hap me një fjalë rasti nga Drejtori i shkollës, Shefqet Bytyqi, i cili foli rreth historikut dhe sukseseve të shkollës.
Pastaj një fjalë rasti mbajti Nënkryetari i Komunës, Gani Sylaj, i cili pasi u uroj nxënësve dhe të pranishmëve Ditën e shkollës, ai tha: “Rasim Kiçina, emrin e të cilit e mban shkolla juaj, ishte nxënës i mirë. Ai çdo muaj vinte e me çantë shkollore merrte libra nga biblioteka ime. Duke lexuar ai u edukua deri në atë nivel sa ishte i gatshëm që për Kosovën ta jepte edhe jetën. Për të jetësuar amanetin e këtij burri, tani Hero i Kosovës, ju duhet te mësoni e ta bëni Kosovën ashtu siç e dëshiroi ai dhe dëshmorët tjerë”.
Në fund me recitale, këngë dhe valle u përmbyll festa e Ditës së shkollës.
