Kush i tha Fatmir Sejdiut se Kosova do të jetë e pavarur
Ish-presidenti i Kosovës, njëherësh ish-kryetar i Lidhjes Demokratike të Kosovës, Fatmir Sejdiu, ka dhënë një intervistë ekskluzive në emisionin “Pressing”, me Leonard Kerqukin, në televizionin T7.
Ai ka treguar se kush i ka thënë se Kosova do të jetë e pavarur.
Sejdiu ka zbuluar se në Nju-Jork, Marti Ahtisaari i kishte thënë se ka gjetur zgjidhjen për Kosovën.
“Kam ardhur tek formula”, i kishte thënë Wisner, Sejdiut.
Sejdiu ka treguar në “Pressing” se edhe i dërguari i Shteteve të Bashkuara të Amerikës për bisedimet rreth statusit të Kosovës, ambasadori Frank Wisner, dhe përfaqësues evropianë, në takimet që kishin, i kanë thënë se Kosova do të pavarësohet.
“Kjo do të jetë një pavarësi e mbikëqyrur, për një periudhë të caktuar kohore”, ka treguar Sejdiu t’i kenë thënë diplomatët ndërkombëtarë.
“Ashtu siç ndodhi”, ka shtuar Sejdiu.
