Erleta Matoshi fiton vendin e parë për pikturë në Prishtinë (Foto)
Drejtoria e Arsimit në Komunën e Prishtinës, me rastin e dhjetëvjetorit të shpalljes së Pavarësisë së Kosovës, organizoi ekspozitë me punimet e nxënësve të nivelit të arsimit parauniversitar të komunës.
Ekspozita u realizua në Galerinë e Fakultetit të Arteve ndërsa nxënësja Erleta Matoshi u shpallë fituese duke e zënë vendin e parë, për pikturën më të mirë të realizuar në nivel komune.
Erleta është vetëm 15 vjeçe por talenti i saj për vizatimin tejkalon pritshmërinë, transmeton DrenicaOnline.
Ajo vjen nga Hajvalia dhe është nxënëse e klasës së nëntë. Ka talent të jashtëzakonshëm në fushën e artit pamor.
Çmimin për vendin e parë të marrë me rastin e 10 vjetorit të shpalljes së pavarësisë asaj ia ndau kreu i arsimit në Prishtinë, Jonuz Salihu./DrenicaOnline/
