Limaj: Ilir Meta më ndihmoi në arritjen e marrëveshjes për demarkacion
Zëvendëskryeministri i Kosovës, Fatmir Limaj ka konfirmuar lajmin se presidenti i Shqipërisë, Ilir Meta ka ndihmuar në arritjen e aneks marrëveshjes për demarkacion me Malin e Zi.
Në një prononcim të shkurtë për Indeksonline, Limaj ka thënë se presidenti i Shqipërisë, ka qenë i involvuar dhe ka ndihmuar në arritjen e marrëveshjes se prezantuar sot.
Ndryshe, Limaj ka qenë iniciator dhe propozues i nënshkrimit të marrëveshjes se sotme.
Ditë më parë ai kishte vizituar Malin e Zi dhe ia kishte prezantuar drejtuesve malazez këtë opsion i cili ka gjetur përkrahje në shtetin fqinjë.
Megjithatë, Limaj është treguar modest duke mos dashur t’i marr për vete, por ka thënë se meriat i takojnë gjithë klasës politike.
Lexo më shumë në: http://www.gazetaexpress.com/lajme/limaj-ilir-meta-me-ndihmoi-ne-arritjen-e-marreveshjes-per-demarkacion-500743/?utm_source=referral&utm_medium=web&utm_campaign=copyright
