Lladrovci e Xhemajlaj sulmojnë njëri-tjetrin në prag të balotazhit në Drenas (Video)

Në përballje televizive me Xhemajlajn, Lladrovci ka folur në “Rubikon” të KTV’së për një ndërtim pa leje të kundërkandidatit Xhemajlaj.

Lladrovci ka thënë se motra e Xhemajlajt është nën hetime duke qenë se në kohën kur ishte në krye të inspeksionit nuk e ndaloi një gjë të tillë.

“Është ndërtesa tjetër ku Isë Xhemajlaj ka blerë pronë në ndërtim mbindërtim, ndërtim publik dhe motra e tij që ka qenë drejtoreshë e inspeksionit sot është nën hetim pasi se ka ndal”, ka thënë Lladrovci.

Xhemajlaj i është përgjigjur Lladrovcit lidhur me akuzën për mbindërtim.

Ai ka thënë se ndryshe prej Lladrovcit, nuk e ka pasur fatin të jetë pjesë e fondit ‘Vendlindja thërret dhe të ndërtojë shtëpi luksoze, transmeton Koha.net.

“Unë nuk e kam pas fatin që të jem në fondin ‘Vendlindja thërret dhe të ndërtoj shtëpi e bazena. E vetmja që kam pas mundësi ta siguroj ka qenë një banesë e cila është nën llastra dhe kam kontratë me atë që e ka ndërtuar dhe lidhje nuk kam me komunë. Edhe fëmijët e mi kanë dëshirë të kenë basen e të lahen”, ka thënë ai.

Tutje Xhemajlaj më pas ka pyetur Lladrovcin se si do t’i largojnë njerëzit nga ndërtesat të cilat janë prona të komunës.

“Përball komunës janë fiks 27 banesa të uzurpuara dhe janë pronë e kuvendit komunal dhe njerëzit banojnë aty, si do të largoni?”, shtoi tutje Xhemajlaj duke ju drejtuar Lladrovcit lidhur me pronar e uzurpuara.

“Janë edhe qindra tjera, meqenëse unë i kam kërkuar mirëpo nuk kam arritur t’i marrë se deri tash kur kam hyrë në garë unë kam qenë vetëm një qytetarë i Drenasit, e jo drejtor i urbanizimit. Gjykata do t’i trajtoj këto raste. Unë nuk mund të shkoj me stupc dhe t’i ndjek qytetarët e mi”, përfundoi ai.